¶
Si hodie
occurrat Feria Quatuor Temporum,
in Choro post Tertiam dicitur Missa
conventualis de Festo, et
extra Chorum post Nonam legitur Missa de Feria, de
qua tamen prohibentur Missæ privatæ.
Introitus Ps.
138, 17
ihi autem nimis honoráti sunt amíci tui,
Deus : nimis confórtátus est principátus eórum.
Ps. ibid., 1-2.
Dómine, probásti me et cognovísti me : tu cognovísti sessiónem meam et resurrectiónem meam.
V/. Glória Patri.
Mihi autem.
Oratio
a nobis,
quaésumus, Dómine, beáti Apóstoli tui Thomæ sollemnitátibus
gloriári : ut ejus semper et patrocíniis sublevémur; et fidem
cóngrua devotióne sectémur. Per Dóminum.
Et fit
Commemoratio Feriæ
supra, præterquam in Missa conventuali, si
occurrat Feria Quatuor Temporum.
Léctio
Epístolæ beáti Pauli Apóstoli
ad Ephésios Ephes. 2, 19-22
ratres : Jam non estis hóspites et ádvenæ
: sed estis cives
sanctórum et doméstici Dei : superædificáti super fundaméntum Apostolórum et Prophetárum, ipso summo
angulári lápide Christo Jesu : in quo omnis ædificátio
constrúcta crescit in
templum sanctum in Dómino, in quo et vos
coædificámini
in habitáculum Dei in Spíritu.
Graduale.
Ps. 138, 17-18.
Nimis
honoráti sunt amíci tui, Deus : nimis
confortátus est principátus eórum. V/.
Dinumerábo eos, et super arénam multiplicabúntur.
Allelúja, allelúja.
V/.
Ps. 32, 1.
Gaudéte, justi, in Dómino : rectos
decet collaudátio. Allelúja,
Sequéntia sancti Evangélii secúndum
Joánnem
Joann. 20, 24-29
n illo
témpore : Thomas, unus
ex duódecim, qui dícitur Dídymus, non erat cum eis,
quando venit Jesus. Dixérunt ergo ei
álii discípuli :
Vídimus Dóminum. Ille autem dixit eis :
Nisi vídero in mánibus ejus fixúram clavórum, et mittam
dígitum meum in locum
clavórum, et mittam manum meam in
latus ejus, non credam.
Et post
dies octo, íterum
erant discípuli
ejus intus, et Thomas cum eis.
Venit Jesus jánuis
clausis, et stetit
in médio, et dixit : Pax vobis.
Deínde dicit Thomæ : Infer dígitum
tuum huc, et vide manus meas, et affer manum tuam, et
mitte in latus meum : et
noli esse
incrédulus, sed fidélis. Respóndit
Thomas et dixit ei : Dóminus
meus et Deus meus.
Dixit ei
Jesus : Quia vidísti me, Thoma, credidísti : beáti, qui non vidérunt, et credidérunt.
Credo.
Offertorium.
Ps. 18, 5.
In omnem
terram exívit
sonus eórum : et in
fines orbis terræ verba eórum.
Secreta
ébitum
tibi, Dómine, nostræ réddimus servitútis,
supplíciter
exorántes : ut, suffrágiis beáti Thomæ Apóstoli, in nobis tua
múnera tueáris, cujus honoránda confessióne laudis tibi
hóstias immolámus. Per Dóminum.
Et
fit Commemoratio Feriæ, ut supra.
Præfatio de Apostolis.
Communio.
Joann. 20, 27.
Mitte manum tuam, et
cognósce loca clavórum : et noli esse incrédulus, sed fidélis.
Postcommunio
désto nobis, miséricors Deus
: et, intercedénte pro nobis beáto Thoma Apóstolo, tua circa nos
propitiátus dona custódi.
Per
Dóminum.
Et fit Commemoratio Feriæ, ut supra; et de ea
legitur Evangelium in fine in Missis non conventualibus, si
occurrat Feria Quatuor Temporum.
¶
In
Missis votivis post Septuagesimam omnia dicuntur ut supra,
sed post Graduale, omissis
Allelúja
et
Versu sequenti, dicitur :
Tractus.
Ps.
20, 3-4.
Desidérium
ánimæ ejus tribuísti ei
: et voluntáte
labiórum ejus non fraudásti
eum. V/.
Quóniam prævenísti eum in benedictiónibus dulcédinis.
V/.
Posuísti in cápite ejus corónam de lápide pretióso.
Tempore autem Paschali Introitus et Offertorium sumuntur ex
Missa
Protexísti,
de Communi Martyrum 1° loco
infra,
reliqua dicuntur ut supra, sed post Epistolam omittitur
Graduale, et ejus loco dicitur :
Allelúja, allelúja.
V/.
Ps. 32, 1.
Gaudéte, justi, in Dómino : rectos decet
collaudátio. Allelúja.
V/.
Ps. 88, 6.
Confitebúntur cæli mirabília tua, Dómine
: étenim
veritátem tuam in ecclésia sanctórum.
Allelúja.
