MISSALE ROMANUM - Similiter Feria Quinta. Missa de D. N. J. C. summo et æter. Sacerdote

Missale Romanum > Missæ Votivæ > I Quæ loco Conventualis de feria communi in Choro suffici possunt > Similiter Feria Quinta. Missa de D. N. J. C. summo et æter. Sacerdote

Item Feria V. Missa de sanctissimo Eucharistiæ Sacram.

Feria V

Missa d. N. J. C.

SUMMI ET ÆTERNI

Sacerdotis

Introitus Ps. 109, 4

J

urávit Dóminus, et non pœnitébit eum: Tu es sacérdos in ætérnum secúndum órdinem Melchísedech (T. P. allelúja, allelúja). Ps. ibid. 1. Dixit Dóminus Dómino meo : Sede a dextris meis. V). Glória Patri. Jurávit.

Oratio

D

eus, qui, ad majestátis tuæ glóriam et géneris humáni salútem, Unigénitum tuum summum atque ætérnum constituísti Sacerdótem : præsta; ut, quos minístros et mysteriórum suórum dispensatóres elégit, in accépto ministério adimpléndo fidéles inveniántur. Per eúndem Dóminum.

Léctio Epístolæ beáti Pauli Apóstoli
ad Hebraéos Hebr. 5, 1-11

F

ratres : Omnis póntifex ex homínibus assúmptus, pro homínibus constitúitur in iis, quæ sunt ad Deum, ut ófferat dona, et sacrifícia pro peccátis : qui condolére possit iis, qui ignórant, et errant : quóniam et ipse circúmdatus est infirmitáte : et proptérea debet, quemádmodum pro pópulo, ita étiam et pro semetípso offérre pro peccátis. Nec quisquam sumit sibi honórem, sed qui vocátur a Deo, tamquam Aaron. Sic et Christus non semetípsum clarificávit ut póntifex fíeret, sed qui locútus est ad eum : Fílius meus es tu; ego hódie génui te. Quemádmodum et in alio loco dicit : Tu es sacérdos in ætérnum secúndum órdinem Melchísedech. Qui in diébus carnis suæ preces supplicationésque ad eum, qui possit illum salvum fácere a morte, cum clamóre válido et lácrimis ófferens, exaudítus est pro sua reveréntia. Et quidem, cum esset Fílius Dei, dídicit ex iis, quæ passus est, obediéntiam: et consummátus, factus est ómnibus obtemperántibus sibi, causa salútis ætérnæ, appelátus a Deo póntifex juxta órdinem Melchísedech. De quo nobis grandis sermo, et ininterpretábilis ad dicéndum.

Graduale. Luc. 4, 18. Spíritus Dómini super me; propter quod unxit me. V). Evangelizáre paupéribus misit me, sanáre contrítos corde.

Allelúja, allelúja. V). Hebr. 7, 24. Jesus autem eo quod máneat in ætérnum, sempitérnum habet sacerdótium. Alleluja.

Post Septuagesimam, omissis Allelúja, et Versu sequenti, dicitur

Tractus. Ps. 9, 33 et 35. Exsúrge, Dómine Deus, exaltétur manus tua : ne obliviscáris páuperum. V). Vide quóniam tu labórem et dolórem consíderas. V). Tibi derelíctus est pauper : órphano tu eris adjútor.

Tempore autem Pascali omittitur Graduale, et ejus loco dicitur :

Allelúja, allelúja. V). Hebr. 7, 24. Jesus autem eo quod máneat in ætérnum, sempitérnum habet sacerdótium. V). Luc. 4, 18. Spíritus Dómini super me : propter quod unxit me, evangelizáre paupéribus misit me, sanáre contrítos corde. Allelúja.

Sequéntia sancti Evangélii secúndum
Lucam Luc. 22, 14-20

I

n illo témpore : Discúbuit Jesus, et duódecim Apóstoli cum eo. Et ait illis : Desidério desiderávi hoc Pascha manducáre vobíscum, antequam pátiar. Dico enim vobis, quia ex hoc non manducábo illud, donec impleátur in regno Dei. Et accépto cálice, grátias egit, et dixit : Accípite, et divídite inter vos. Dico enim vobis quod non bibam de generatióne vitis, donec regnum Dei véniat. Et accépto pane, grátias egit, et fregit, et dedit eis, dicens : Hoc est Corpus meum, quod pro vobis datur : hoc fácite in meam commemoratiónem. Simíliter et cálicem, postquam cœnávit, dicens : Hic est calix novum testaméntum in sánguine meo, qui pro vobis fundétur.

Offertorium. Hebr. 10, 12 et 14. Christus unam pro peccátis ófferens hóstiam, in sempitérnum sedet in déxtera Dei : una enim oblatióne consummávit in ætérnum sanctificátos (T. P. allelúja).

Secreta

H

æc múnera, Dómine, mediátor noster Jesus Christus tibi reddat accépta : et nos, una secum, hóstias tibi gratas exhíbeat : Qui tecum.

Præfatio de Cruce.

Communio. I Cor. 11, 24 et 25. Benedícimus (T. P. allelúja).

Postcommunio

V

ivíficet nos, quaésumus, Dómine, divína quam obtúlimus et súmpsimus hóstia : ut, perpétua tibi caritáte conjúncti, fructum, qui semper máneat, afferámus. Per Dóminum.

Feria Sexta. Missa de S. Cruce

Ad principium

Scribe | Ad paginam principalem