Missale Romanum > Proprium de Sanctis > Festa Octobris > Die 31 Octobris. In Vigilia Omnium Sanctorum

 

 

 

Vangelo pdf

Die 30 Octobris

DIE  31  OCTOBRIS

in   vigilia   omnium

sanctorum

Simplex

 

 
 

Introitus                                                     Sap. 3, 8

J

údicant sancti gentes et dominántur pópulis : et regnábit Dóminus, Deus illórum, in perpétuum. Ps. 32, 1. Exsultáte, justi, in Dómino : rectos decet collaudátio. V). Glória Patri. Júdicant.

Non dicitur Glória in excélsis.

Oratio

D

ómine, Deus noster, multiplica super nos grátiam tuam : et, quorum praevenímus gloriósa sollémnia, tríbue súbsequi in sancta professione lætítiam. Per Dóminum.

2ª Oratio de Spiritu Sancto, 3ª contra persecutores Ecclesiæ, vel pro Papa infra. []

Léctio libri Apocalýpsis beáti Joánnis
Apóstoli                
Apoc. 5, 6-12

I

n diébus illis : Ecce, ego Joánnes vidi in médio throni et quatuor animálium et in médio seniórum Agnum stantem tamquam occísum, habéntem córnua septem et óculos septem : qui sunt septem spíritus Dei, missi in omnem terram. Et venit : et accépit de déxtera sedéntis in throno librum. Et cum aperuísset librum, quatuor animália et vigínti quatuor senióres cecidérunt coram Agno, habéntes sínguli cítharas, et phiálas áureas plenas odoramentórum, quæ sunt oratiónes sanctórum : et cantábant cánticum novum, dicéntes : Dignus es, Dómine, accípere librum et aperíre signácula ejus : quóniam occísus es, et redemísti nos Deo in sánguine tuo ex omni tribu et lingua et pópulo et natióne : et fecísti nos Deo nostro regnum et sacerdótes : et regnábimus super terram. Et vidi, et audívi vocem Angelórum multórum in circúitu throni et animálium et seniórum : et erat númerus eórum míllia míllium, dicéntium voce magna : Dignus est Agnus, qui occísus est, accípere virtútem et divinitátem et sapiéntiam et fortitúdinem et honórem et glóriam et benedictiónem in saécula sæculórum. Amen.

Graduale. Ps. 149, 5 et 1. Exsultábunt sancti in glória : lætabúntur in cubílibus suis. V). Cantáte Dómino cánticum novum : laus ejus in ecclésia sanctórum.

Sequéntia sancti Evangélii secúndum
Lucam                   Luc. 6, 17-23

I

n illo témpore : Descéndens Jesus de monte, stetit in loco campéstri, et turba discipulórum ejus, et multitúdo copiósa plebis ab omni Judaéa, et Jerúsalem, et marítima, et Tyri, et Sidónis, qui vénerant, ut audírent eum et sanaréntur a languóribus suis. Et, qui vexabántur a spirítibus immúndis, curabántur. Et omnis turba quærébat eum tángere; quia virtus de illo exíbat, et sanábat omnes. Et ipse, elevátis óculis in discípulos suos, dicébat : Beáti, páuperes : quia vestrum est regnum Dei. Beáti, qui nunc esurítis : quia saturabímini. Beáti, qui nunc fletis : quia ridébitis. Beáti éritis, cum vos óderint hómines, et cum separáverint vos et exprobráverint, et ejécerint nomen vestrum tamquam malum, propter Fílium hóminis. Gaudéte in illa die et exsultáte : ecce enim, merces vestra multa est in cælo.

Offertorium. Ps. 149, 5-6. Exsultábunt Sancti in glória, lætabúntur in cubílibus suis : exaltatiónes Dei in fáucibus eórum.

Secreta

A

ltáre tuum, Dómine, munéribus cumulámus oblátis : da, quǽsumus; ut ad salútem nostram, ómnium Sanctórum tuórum precatióne, profíciant, quorum sollémnia ventúra præcúrrimus. Per Dóminum.

Aliæ Secretæ, ut supra.

Communio. Sap. 3, 1, 2 et 3. Justórum ánimæ in manu Dei sunt, et non tanget illos torméntum malítiæ : visi sunt óculis insipiéntium mori : illi autem sunt in pace.

Postcommunio

S

acraméntis, Dómine, et gáudiis optátæ celebritátis explétis : quaésumus; ut eórum précibus adjuvé-mur, quorum recordatiónibus exhibéntur. Per Dóminum.

Aliæ Postcommuniones, ut supra.

 

Die 1 Novembris. IN FESTO OMNIUM SANCTORUM

 

 

 

Ad principium

 


Scribe | Ad paginam principalem


© 2001 - 2014  Coordinamento di Una Voce delle Venezie. All Rights Reserved.