Introitus
Ps. 29, 11
udívit Dóminus,
et misértus est mihi : Dóminus factus est adjútor meus. Ps. ibid., 2.
Exaltábo te, Dómine, quóniam suscepísti me : nec delectásti inimícos meos super me. V).
Glória Patri. Audívit.
Oratio
désto, Dómine,
supplicatiónibus nostris
: et concéde; ut hoc sollémne jejúnium, quod animábus corporibúsque curándis salúbriter institútum est, devóto servítio celebrémus. Per Dóminum.
Aliæ Orationes, ut supra. [↑]
Léctio Isaíæ
Prophétæ
Is. 58, 9-14
æc dicit
Dóminus Deus : Si
abstúleris de médio tui caténam, et desíeris exténdere dígitum, et loqui quod non prodest. Cum effúderis esuriénti ánimam tuam, et ánimam afflíctam repléveris, oriétur in ténebris lux tua, et
ténebræ tuæ erunt sicut merídies.
Et réquiem tibi dabit Dóminus semper, et implébit splendóribus ánimam tuam, et ossa tua liberábit, et
eris quasi hortus irríguus, et sicut fons aquárum, cujus non defícient aquæ. Et ædificabúntur in te desérta sæculórum : fundaménta generatiónis et generatiónis suscitábis : et vocáberis ædificátor sépium, avértens sémitas in quiétem. Si avérteris a sábbato pedem tuum, fácere voluntátem tuam in die sancto meo, et vocáveris sábbatum delicátum, et sanctum Dómini gloriósum, et glorificáveris eum, dum non facis vias tuas, et non invénitur volúntas tua, ut loquáris sermónem : tunc delectáberis
super Dómino : et sustóllam
te super altitúdines terræ,
et cibábo te hereditáte
Jacob, patris tui. Os enim Dómini locútum
est.
Graduale.
Ps. 26, 4. Unam
pétii a Dómino, hanc requíram, ut inhábitem in domo Dómini. V). Ut vídeam voluptátem Dómini, et prótegar a templo sancto ejus.
Sequéntia
sancti Evangélii secúndum
Marcum
Marc. 6, 47-56
n illo témpore : Cum sero
esset, erat navis in médio mari, et
Jesus solus in terra. Et videns discípulos suos laborántes in remigándo (erat enim ventus contrárius eis), et circa quartam vigíliam noctis venit ad eos ámbulans supra mare : et volébat
præteríre eos. At illi, ut vidérunt eum ambulántem supra mare, putavérunt phantásma esse, et exclamavérunt. Omnes enim vidérunt eum, et conturbáti sunt. Et statim locútus est cum eis, et dixit eis : Confídite, ego sum, nolíte timére.
Et ascéndit ad illos in navim, et cessávit ventus. Et plus magis intra se stupébant : non enim intellexérunt de pánibus : erat
enim cor eórum obcæcátum. Et cum transfretássent,
venérunt in terram Genésareth, et applicuérunt. Cumque egréssi essent de navi, contínuo cognovérunt eum : et percurréntes univérsam regiónem illam, coepérunt in grabátis eos, qui se male habébant, circumférre ubi audiébant eum esse. Et quocúmque introíbat, in vicos vel in villas aut civitátes, in platéis ponébant infírmos, et deprecabántur eum, ut vel fímbriam vestiménti ejus tángerent : et quotquot tangébant eum, salvi fiébant.
Offertorium. Ps. 118, 154 et 125. Dómine, vivífica
me secúndum elóquium tuum : ut sciam testimónia tua.
Secreta
úscipe,
Dómine, sacrifícium, cujus te voluísti dignánter immolatióne placári : præsta, quaésumus;
ut, hujus operatióne mundáti, beneplácitum tibi nostræ mentis offerámus afféctum. Per Dóminum.
Aliæ Secretæ, ut supra. [↑]
Præfatio de Quadragesima. [→]
Communio. Ps. 2, 11-12. Servíte Dómino in timóre, et exsultáte ei cum tremóre : apprehéndite disciplínam, ne pereátis de via
justa.
Postcommunio
æléstis
vitæ múnere vegetáti, quaésumus, Dómine : ut, quod est nobis in præsénti vita mystérium, fiat æternitátis auxílium. Per Dóminum.
Aliæ Postcommuniones, ut supra. [↑]
Super populum :
Orémus. Humiliáte
cápita vestra Deo.
Oratio
idéles tui, Deus, per tua dona firméntur : ut éadem et percipiéndo requírant, et quæréndo sine fine percípiant. Per
Dóminum.
