Missale Romanum > Præfationes sine cantu Canon Missæ ORDO MISSÆ
PRÆFATIONES  SINE  CANTU ________
	Præfatio de Nativitate Domini Sequens Præfatio : 1. dicitur in Missis de Nativitate Domini, de Dominica infra Octavam, quamvis post diem 1 Januarii resumenda, de die infra Octavam ipsius Nativitatis, ac de Vigilia Epiphaniæ Domini, necnon in Missis de Circumcisione Domini, de Ssmo Nomine Jesu, de Ssmo Eucharistiæ Sacramento, de Transfiguratione Domini, ac de Purificatione beatæ Mariæ Virginis; 2. dicitur etiam, juxta Rubricas, in omnibus Missis, quæ infra Octavam ejusdem Nativitatis celebrentur, inclusis iis, quæ secus Præfationem propriam haberent, dummodo et de Octava vel de Dominica infra Octavam fiat Commemoratio, et ipsa Missa, aut Commemoratio prius habita, aliam de divinis Mysteriis vel Personis non exigant Præfationem; 3. dicitur item, juxta Rubricas, in omnibus Missis, in qui bus alicujus ex recensitis Christi ac beatæ Mariæ Virginis Mysteriis fiat Commemoratio, dummodo pariter ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, et disjunctim quoque a sua Commemoratione, infra Octavam communem cujusvis ex indicatis Christi ac beatæ Mariæ Virginis Mysteriis, necnon a die 2 ad diem 4 Januarii inclusive, dummodo insuper, si agatur de Missis cantatis et conventualibus, alia conventualiter vel in cantu Missa de Tempore vel de Octava, aut cum ejus Commemoratione, non habeatur, neque Præfatio Octavæ vel Temporis pro iisdem tribus Januarii diebus in una ex Missis cantatis vel conventualibus fuerit admissa. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque gratias ágere : Dómine sancte, Pater omnípotens, ætérne Deus : Quia per incarnáti Verbi mystérium, nova mentis nostræ óculis lux tuæ claritátis infúlsit ut, dum visibíliter Deum cognóscimus, per hunc in invisibílium amórem rapiámur. Et ídeo cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ¶ Infra Actionem Communicántes propr., ut infra in Canone. [↓] ¶ In prima vero Missa Nativitatis Domini dicitur : et noctem sacratíssimam celebrántes, qua etc.; deinde semper dicitur : diem sacratíssimum celebrántes, quo etc. usque ad Octavam Nativitatis Domini inclusive, in omnibus Missis, quæ de Octava vel de Dominica infra Octavam celebrentur, aut cum utriusque vel alterutrius Commemoratione habeantur. ________ Præfatio de  Epiphania  Domini Sequens Præfatio : 1. dicitur in Missis de Epiphania Domini, de Dominica infra Octavam ac de die Octava ipsius Epiphaniæ, necnon in Missis de Sancta Familia Jesu, Mariæ, Joseph, quamvis infra Octavam Nativitatis Domini celebrandis; 2. dicitur etiam, juxta Rubricas, in omnibus Missis, quæ infra Octavam Epiphaniæ celebrentur, dummodo et de Octava vel de Dominica infra Octavam fiat Commemoratio, et ipsa Missa, aut Commemoratio prius habita, aliam non exigant Præfationem; 3. dicitur item, juxta Rubricas, in omnibus Missis, quæ cum Commemoratione ejusdem Sanctæ Familiæ celebrentur, dummodo pariter ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, et disjunctim quoque a sua Commemoratione, infra Octavam communem ipsius Sanctæ Familiæ alicubi celebratam, dummodo insuper, si agatur de Missis cantatis et conventualibus, alia conventualiter vel in cantu Missa de Sancta Familia, aut cum ejus Commemoratione, non habeatur, neque Præfatio Octavæ in una ex Missis cantatis vel conventualibus fuerit admissa. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus. Quia, cum Unigénitus tuus in substántia nostræ mortalitátis appáruit, nova nos immortalitátis suæ luce reparávit. Et ídeo, cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ¶ Infra Actionem Communicántes propr., ut infra in Canone. [↓] ¶ Et dicitur per totam Octavam in omnibus Missis, quæ de Octava vel de Dominica infra Octavam celebrentur, aut cum utriusque vel alterutrius Commemoratione habeantur. ________ Præfatio de  Quadragesima Sequens Præfatio : 1. dicitur in Missis de Tempore a Feria IV Cinerum usque ad Sabbatum infra hebdomadam IV Quadragesimæ inclusive; 2. dicitur etiam, juxta Rubricas, in omnibus Missis, quæ eo Tempore celebrentur, et ad nullum Domini Festum vel Mysterium referantur, dummodo et de Tempore fiat Commemoratio, et ipsa Missa, aut Commemoratio prius habita, aliam non exigant Præfationem. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus. Qui corporáli jejúnio vítia cómprimis, mentem élevas, virtútem largíris et praémia : per Christum Dóminum nostrum. Per quem majestátem tuam láudant Angeli, adórant Dominatiónes, tremunt Potestátes. Cæli, cælorúmque Virtútes, ac beáta Séraphim, sócia exsultatióne concélebrant. Cum quibus et nostras voces, ut admítti júbeas, deprecámur, súpplici confessióne dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio de  sancta  Cruce Sequens Præfatio : 1. dicitur in Missis de Tempore a Dominica Passionis usque ad Feriam V in Cœna Domini inclusive; atque in omnibus Missis, quamvis infra Octavam Nativitatis Domini celebrandis, de sancta Cruce, de Passione Domini et de pretiosissimo Sanguine Domini nostri Jesu Christi; 2. dicitur etiam, juxta Rubricas, in omnibus Missis, in quibus fiat Commemoratio ejusdem Temporis vel alicujus ex recensitis Mystériis, dummodo ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, et disjunctim quoque a sua Commemoratione, infra Octavam communem cujusvis ex indicatis Mysteriis alicubi celebratam, dummodo insuper, si agatur de Missis cantatis et conventualibus, alia conventualiter vel in cantu Missa de Octava, aut cum ejus Commemoratione, non habeatur, neque Præfatio Octavæ in una ex Missis cantatis vel conventualibus fuerit admissa. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere Dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus. Qui salútem humáni géneris in ligno Crucis constituísti: ut unde morte oriebátur, inde vita resúrgeret : et qui in ligno vincébat, in ligno quoque vincerétur: per Christum Dóminum nostrum. Per quem majestátem tuam láudant Angeli, adórant Dominatiónes, tremunt Potestátes. Cæli, cælorúmque Virtútes, ac beáta Séraphim, socia exsultatióne concélebrant. Cum quibus et nostras voces, ut admítti júbeas, deprecámur, súpplici confessióne dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio  Paschalis Sequens Præfatio : 1. Dicitur in Missis de Tempore a Sabbato sancto usque ad Vigiliam Ascensionis Domini inclusive, atque in Missis Litaniarum majorum et minorum; 2. dicitur etiam, juxta Rubricas, in omnibus Missis, quæ eo Tempore celebrentur, dummodo ipsa Missa, aut Commemoratio prius habita, aliam non exigant Præfationem, et dummodo, si agatur de Missis cantatis et conventualibus, alia conventualiter vel in cantu Missa de ipso Tempore, aut cum ejus Commemoratione, non habeatur, neque ipsius Temporis Præfatio in una ex Missis cantatis vel conventualibus fuerit admissa. In Missa Sabbati sancti dicitur: in hac potíssimum nocte; a die autem Paschæ usque ad Sabbatum in Albis inclusive, etiam in Missa Litaniarum majorum, quæ infra Octavam Paschatis cum Commemoratione ejusdem celebretur : In hac potissimum die; alias, et in Missa insuper Litaniarum majorum, quæ infra Octavam Paschatis, sine hujus Commemoratione celebretur : in hoc potissimum. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre : Te quidem Dómine omni témpore, sed in hac potíssimum die (vel in hoc potíssimum) gloriósius prædicáre, cum Pascha nostrum immolátus est Christus. Ipse enim verus est Agnus, qui ábstulit peccáta mundi. Qui mortem nostram moriéndo destrúxit, et vitam resurgéndo reparávit. Et ídeo, cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ¶ Infra Actionem Communicántes et Hanc ígitur propria, ut infra in Canone [↓] et [↓] ¶ Sic dicitur a Sabbato sancto usque ad Sabbatum in Albis inclusive in omnibus Missis, quæ de Octava celebrentur, aut cum ejus Commemoratione habeantur. Sed in Missa Sabbati sancti infr Actionem dicitur: et noctem sacratíssimam celebrántes. ________ Præfatio de  Ascensione  Domini Sequens Præfatio : 1. dicitur in Missis de Ascensione Domini, de Dominica infra Octavam ac de Feria VI post Octavam ipsius Ascensionis; 2. dicitur etiam, juxta Rubricas, in omnibus Missis, quæ infra eandem Octavam celebrentur, dummodo et de Octava vel de Dominica infra Octavam fiat Commemoratio, et ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, et disjunctim quoque a sua Commemoratione, Feria VI post Octavam, dummodo insuper, si agatur de Missis cantatis et conventualibus, alia conventualiter vel in cantu Missa de Feria, aut cum ejus Commemoratione, non habeatur, neque Præfatio de Ascensione Domini in una ex Missis cantatis vel conventualibus fuerit admissa. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre : nos tibi semper, et ubíque grátias ágere : Dómine sancte, pater omnípotens, ætérne Deus: per Christum Dóminum nostrum. Qui post resurrectiónem suam ómnibus discípulis sui maniféstus appáruit, et ipsis cernéntibus est elevátus in cælum, ut nos divinitátis suæ tribúeret esse partícipes. Et ídeo, cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ¶ Infra Actionem Communicántes propr. ut infra in Canone. [↓] ¶ Et dicitur per totam Octavam in omnibus Missis, quæ de Octava vel de Dominica infra Octavam celebrentur, aut cum utriusque vel alterutrius Commemoratione habeantur. ________ Præfatio de  sacratissimo  Corde  Jesu Sequens Præfatio : 1. Dicitur in Missis de sacratissimo Corde Jesu. 2. Dicitur etiam, juxta Rubricas, in omnibus Missis, quæ infra Octavam ipsius sacratissimi Cordis Jesu celebrentur, dummodo et de Octava fiat Commemoratio, et ipsa Missa, aut Commemoratio prius habita, aliam non exigant Præfationem. 3. Dicitur item, juxta Rubricas, in omnibus Missis, quæ cum Commemoratione ejusdem sacratissimi Cordis Jesu celebrentur, dummodo pariter ipsa Missa, aut Commemoratio prius habita, aliam non exigant Præfationem. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus : Qui Unigénitum tuum in cruce pendéntem láncea mílitis transfígi voluísti, ut apértum Cor, divínæ largitátis sacrárium, torréntes nobis fúnderet miseratiónis et grátiæ, et, quod amóre nostri flagráre numquam déstitit, piis esset réquies et pœniténtibus patéret salútis refúgium. Et ídeo cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio de  Jesu  Christo  Rege Sequens Præfatio : 1. Dicitur in Missis D. N. Jesu Christi Regis, quamvis infra Octavam Nativitatis Domini celebrandis. 2. Dicitur etiam, juxta Rubricas, in omnibus Missis, quæ cum Commemoratione ejusdem Jesu Christi Regis celebrentur, dummodo ipsa Missa, aut Commemoratio prius habita, aliam non exigant Præfationem; ac disjunctim quoque a sua Commemoratione, infra Octavam communem ipsius Jesu Christi Regis alicubi celebratam, dummodo insuper, si agatur de Missis cantatis et conventualibus, alia conventualiter vel in cantu Missa de Octava, aut cum ejus Commemoratione, non habeatur, neque Præfatio Octavæ in una ex Missis cantatis vel conventualibus fuerit admissa. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus : Qui unigénitum Fílium tuum Dóminum nostrum Jesum Christum, Sacerdótem ætérnum et universórum Regem, óleo exsultatiónis unxísti: ut, seípsum in ara crucis, hóstiam immaculátam et pacíficam ófferens, redemptiónis humánæ sacraménta perágeret : et, suo subjéctis império ómnibus creatúris, ætérnum et universále regnum imménsæ tuæ tráderet Majestáti : regnum veritátis et vitæ; regnum sanctitátis et grátiæ; regnum justítiæ, amóris et pacis. Et ídeo cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio de  Spiritu  Sancto Sequens Præfatio : 1. Dicitur in Missis de Tempore a Vigilia Pentecostes usque ad sequens Sabbatum inclusive; et in Missis votivis de Spiritu Sancto, quamvis infra Octavam Nativitatis Domini celebrandis, in quibus tamen, extra Vigiliam et Octavam Pentecostes, omittuntur verba: hodiérna die. 2. Dicitur etiam, juxta Rubricas, in omnibus Missis, quæ in Vigilia et infra Octavam Pentecostes celebrentur, dummodo et de Vigilia vel de Octava fiat Commemoratio, et ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, in Missis, in quibus de Spiritu Sancto agenda sit Commemoratio. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus : per Christum Dóminum nostrum. Qui ascéndens super omnes cælos, sedénsque ad déxteram Patris, promíssum Spíritum Sanctum (hodiérna die) in fílios adoptiónis effúdit. Quaprópter profúsis gáudiis, totus in orbe terrárum mundus exsúltat. Sed et supérnæ Virtútes, atque angélicæ Potestátes, hymnum glóriæ tuæ cóncinunt, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ¶ Infra Actionem Communicántes et Hanc ígitur propria, ut infra in Canone [↓] et [↓] ¶ Et dicitur tantum a Vigilia Pentecostes usque ad sequentem Sabbatum inclusive in omnibus Missis, quæ de Vigilia vel de Octava celebrentur, aut cum alterutrius Commemoratione habeantur. ________ Præfatio de  sanctissima  Trinitate Sequens Præfatio : 1. Dicitur in Missis de sanctissima Trinitate, quamvis infra Octavam Nativitatis Domini celebrandis, de Dominicis majoribus Adventus, Septuagesimæ, Sexagesimæ et Quinquagesimæ, ac de Dominicis minoribus, licet Sabbato anticipatis, post Octavam Epiphaniæ et Pentecostes; exclusis Missis alicujus ex recensitis Dominicis infra hebdomadam resumendis, in quibus, si alia Missæ vel Officii, etsi commemorati, Præfatio propria desit, ponitur Præfatio communis; et exclusa pariter Missa Dominicæ II et III post Pentecosten, in qua, si omittenda non sit Commemoratio Octavæ sanctissimi Corporis Christi vel sacratissimi Cordis Jesu, sumitur Præfatio de respectiva Octava. 2. Dicitur etiam, juxta Rubricas, in omnibus Missis, quæ cum Commemoratione sanctissimæ Trinitatis, aut cujusvis ex indicatis Dominicis occurrentibus et Sabbato anticipatis celebrentur, dummodo ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, et disjunctim quoque a sua Commemoratione, infra Octavam communem ipsius sanctissimæ Trinitatis alicubi celebratam, dummodo insuper, si agatur de Missis cantatis et conventualibus, alia conventualiter vel in cantu Missa de Octava, aut cum ejus Commemoratione, non habeatur, neque Præfatio Octavæ in una ex Missis cantatis vel conventualibus fuerit admissa. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus : qui cum unigénito Fílio tuo, et Spíritu Sancto, unus es Deus, unus es Dóminus : non in uníus singularitáte persónæ, sed in uníus Trinitáte substántiæ. Quod enim de tua glória, revelánte te, crédimus : hoc de Fílio tuo, hoc de Spíritu Sancto, sine differéntia discretiónis sentímus. Ut in confessióne veræ sempiternaéque Deitátis, et in persónis propríetas, et in esséntia únitas, et in majestáte adorétur æquálitas. Quam láudant Angeli atque Archángeli, Chérubim quoque ac Séraphim : qui non cessant clamáre cotídie, una voce dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio de  B.  Maria  Virgine Sequens Præfatio, extra Octavam Nativitatis Domini, si ejusdem Octavæ vel Dominicæ infra Octavam omittenda non sit Commemoratio, et extra Festum et Octavam Purificationis beatæ Mariæ Virginis alicubi celebratam, quibus in casibus sumitur Præfatio de ipsa Nativitáte, necnon extra Vigilias ejusdem beatæ Mariæ Virginis, et extra Missas de Feriis Adventus, in qui bus, si alterius Missæ vel Officii, etsi commemorati, aut Octavæ communis, aut, pro Vigiliis, etiam Temporis Præfatio propria desit, ponitur Præfatio communis : 1. Dicitur in Missis beatæ Mariæ Virginis. 2. Dicitur etiam, juxta Rubricas, in omnibus Missis, quæ cum Commemoratione ipsius beatæ Mariæ Virginis celebrentur, et ad nullum Domini Festum vel Mysterium referantur, dummodo ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, et disjunctim quoque a sua Commemoratione, infra Octavam communem ejusdem beatæ Mariæ Virginis, dummodo insuper, si agatur de Missis cantatis et conventualibus, alia conventualiter vel in cantu Missa de Octava, aut cum ejus Commemoratione, non habeatur, neque Præfatio Octavæ in una ex Missis cantatis vel conventualibus fuerit admissa. Dicitur autem vel Et te in Annuntiatióne, vel Visitatióne, vel Assumptióne, vel Nativitáte, vel Præsentatióne, secundum denominationem Festi. In Missis vero de Conceptione immaculata dicitur: Et te in Conceptióne immaculáta. In Missis de Septem Doloribus dicitur: Et te in Transfixióne. In Festo de Monte Carmelo dicitur: Et te in Commemoratióne. In omnibus aliis Festis beatæ Mariæ Virginis dicitur: Et te in Festivitáte. In Missa sanctæ Maríæ in Sabbato et in Missis votivis, in quibus speciale Mysterium non sit exprimendum, dicitur: Et te in Veneratióne. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus : Et te in *** beátæ Maríæ semper Vírginis collaudáre, benedícere et prædicáre. Quæ et Unigénitum tuum Sancti Spíritus obumbratióne concépit : et virginitátis glória permanénte, lumen ætérnum mundo effúdit, Jesum Christum Dóminum nostrum. Per quem majestátem tuam láudant Angeli, adórant Dominatiónes, tremunt Potestátes. Cæli, cælorúmque Virtútes, ac beáta Séraphim, sócia exsultatióne concélebrant. Cum quibus et nostras voces, ut admítti júbeas, deprecámur, súpplici confessióne dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio  de  S.  Joseph Sponso  B.  MARIæ  VIRGINIS Sequens Præfatio, extra Octavam Nativitatis Domini, in qua, si ejusdem Octavæ vel Dominicæ infra Octavam omittenda non sit Commemoratio, sumitur Præfatio de ipsa Nativitate : 1. Dicitur in Missis S. Joseph, Sponsi beatæ Maríæ Virginis. 2. Dicitur etiam, juxta Rubricas, in omnibus Missis, quæ cum Commemoratione ipsius S. Joseph celebrentur, et ad nullum Domini Festum vel Mysterium referantur, dummodo ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, et disjunctim quoque a sua Commemoratione, infra Octavam communem ejusdem S. Joseph, dummodo insuper, si agatur de Missis cantatis et conventualibus, alia conventualiter vel in cantu Missa de Octava, aut cum ejus Commemoratione, non habeatur, neque Præfatio Octavæ in una ex Missis cantatis vel conventualibus fuerit admissa. In Missis votivis dicitur : Et te in Veneratióne. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus : Et te in * Festivitáte (Veneratióne) beáti Joseph débitis magnificáre præcóniis, benedícere et prædicáre. Qui et vir justus, a te Deíparæ Vírgini Sponsum est datus : et fidélis servus ac prudens, super Famíliam tuam est constitútus : ut Unigénitum tuum, Sancti Spíritus obumbratióne concéptum, patérna vice custodíret, Jesum Christum Dóminum nostrum. Per quem majestátem tuam láudant Angeli, adórant Dominatiónes, tremunt Potestátes. Cæli cælorúmque Virtútes, ac beáta Séraphim, sócia exsultatióne concélebrant. Cum quibus et nostras voces, ut admítti júbeas, deprecámur, súpplici confessióne dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio  de  Apostolis Sequens Præfatio, extra Octavam Nativitatis Domini, in qua, si ejusdem Octavæ vel Dominicæ infra Octavam omittenda non sit Commemoratio, sumitur Præfatio de ipsa Nativitate, necnon extra Vigilias Apostolorum aut Evangelistarum, in quibus, si alterius Missæ vel Officii, etsi commemorati, aut Octavæ communis, aut Temporis Præfatio propria desit, ponitur Præfatio communis : 1. Dicitur in Missis Apostolorum aut Evangelistarum aut Summorum Pontificum, necnon in Missa Creationis et Coronationis Papæ et utriusque Anniversarii. 2. Dicitur etiam, juxta Rubricas, in omnibus Missis, quæ cum Commemoratione ipsorum Apostolorum aut Evangelistarum aut Summorum Pontificum, vel cum Commemoratione Missæ pro Papa superius indicatæ et eo die impeditæ celebrentur, et ad nullum Domini Festum vel Mysterium referantur, dummodo ipsa Missa, aut Commemoratio prius habita, aliam non exigant Præfationem; ac dicitur, juxta eandem normam, et disjunctim quoque a sua Commemoratione, infra Octavam communem eorundem Apostolorum aut Evangelistarum aut Summorum Pontificum, dummodo insuper, si agatur de Missis cantatis et conventualibus, alia conventualiter vel in cantu Missa de Octava, aut cum ejus Commemoratione, non habeatur, neque Præfatio Octavæ in una ex Missis cantatis vel conventualibus fuerit admissa. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, Te, Dómine, supplíciter exoráre, ut gregem tuum, pastor ætérne, non déseras : sed per beátos Apóstolos tuos contínua protectióne custódias : Ut iísdem rectóribus gubernétur, quos óperis tui vicários eídem contulísti præésse pastóres. Et ídeo, cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio  communis Sequens Præfatio dicitur, juxta Rubricas : 1. in omnibus Missis, quæ Præfationem propriam non habeant, et in quibus adhibenda non sit Præfatio alicujus Missæ vel Officii etsi commemorati, aut Octavæ communis, aut Temporis occurrentis propria. 2. In Missis de Dedicatione Ecclesiæ et de alio Festo vel Mysterio Domini alicubi celebrato, quod Præfatione propria careat, in quibus numquam adhibetur Præfatio de Tempore Quadragesimæ, neque Missæ vel Officii commemorati vel Octavæ, quæ non sit de ipso Domino. 3. In Missis de Feriis Adventus et de Vigilia Nativitatis Domini extra Dominicam occurrenti, in quibus agenda sit Commemoratio de beata Maria Virgine, et Præfatio alterius Missæ aut Officii commemorati propria non habeatur. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus : per Christum Dóminum nostrum. Per quem majestátem tuam láudant Angeli, adórant Dominatiónes, tremunt Potestátes. Cæli cælorúmque Virtútes, ac beáta Séraphim, sócia exsultatióne concélebrant. Cum quibus et nostras voces ut admítti júbeas, deprecámur, súpplici confessióne dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis. [→] ________ Præfatio  Defunctorum Sequens Præfatio dicitur in omnibus Missis Defunctorum. P Er ómnia saécula sæculórum. R). Amen. V). Dóminus vobíscum. R). Et cum spíritu tuo. V). Sursum corda. R). Habémus ad Dóminum. V). Grátias agámus Dómino Deo nostro. R). Dignum et justum est. V Ere dignum et justum est, æquum et salutáre, nos tibi semper, et ubíque grátias ágere : Dómine sancte, Pater omnípotens, ætérne Deus : per Christum Dóminum nostrum.  In quo nobis spes beátæ resurrectiónis effúlsit, ut, quos contrístat certa moriéndi condítio, eósdem consolétur futúræ immortalitátis promíssio. Tuis enim fidélibus, Dómine, vita mutátur, non tóllitur, et, dissolúta terréstris hujus incolátus domo, ætérna in cælis habitátio comparátur. Et ídeo, cum Angelis et Archángelis, cum Thronis et Dominatiónibus, cumque omni milítia cæléstis exércitus, hymnum glóriæ tuæ cánimus, sine fine dicéntes : Sanctus, Sanctus, Sanctus, Dóminus Deus Sábaoth. Pleni sunt cæli et terra glória tua. Hosánna in excélsis. Benedíctus qui venit in nómine Dómini. Hosánna in excélsis.
CANON  MISSÆ Ordo Missæ Ad principium Scribe | Ad paginam principalem © 2001 – 2016 Coordinamento di Una Voce delle Venezie. All Rights Reserved.