MISSALE ROMANUM - M. P. A. L. Commune plurium Confessorum Pontificum

Missale Romanum > M. P. A. L. > Commune plurium Confessorum Pontificum

B. Mariæ Virg. Immaculatæ a Sacro Numismate

COMMUNE   SANCTORUM

PRO ALIQUIBUS LOCIS

JUXTA   DECRETUM   S.   R.   C.   DIEI   22   MAJI   1914

_______________

COMMUNE   PLURIUM

CONFESSORUM   PONTIFICUM

Introitus                                         Ps. 131, 16-17

S

acerdótes Sion índuam salutári, et sancti ejus exsúltatióne exsultábunt, dicit Dóminus : illuc prodúcam cornu David, parávi lucérnam Christo meo (T. P. allelúja, allelúja). Ps. ibid., 1. Meménto, Dómine, David : et omnis mansuetúdinis ejus. V). Glória Patri. Sacerdótes Sion.

Oratio

D

eus, qui nos beatórum N. et N. Confessórum tuorum atque Pontíficum confessiónibus gloriósis circúmdas et prótegis : da nobis, et eórum imitatióne profícere, et intercessióne gaudére. Per Dóminum.

Alia Oratio

E

cclésiam tuam, Dómine, beatórum N. et N. Confessórum tuórum atque Pontíficum contínua protectióne custódi : ut, sicut illos pastorális sollicitúdo gloriósos réddidit; ita nos eórum intercéssio in tuo semper fáciat amóre fervéntes. Per Dóminum.

Léctio Epístolæ beáti PauliApóstoli
ad Hebraéos            Hebr. 13, 7-17

F

ratres : Mementóte praepositórum vestrórum, qui vobis locúti sunt verbum Dei : quorum intuéntes exitum conversatiónis, imitámini fidem. Jesus Christus heri et hódie : ipse et in saécula. Doctrínis váriis et peregrínis nolíte abdúci. Optimum est enim grátia stabilíre cor, non escis, quæ non profuérunt ambulántibus in eis. Habémus altáre, de quo édere non habent potestátem, qui tabernáculo desérviunt. Quorum enim animálium infértur sanguis pro peccáto in Sancta per pontíficem, horum córpora cremántur extra castra. Propter quod et Jesus, ut sanctificáret per suum sánguinem pópulum, extra portam passus est. Exeámus ígitur ad eum extra castra, impropérium ejus portántes. Non enim habémus hic manéntem civitátem, sed futúram inquírimus. Per ipsum ergo offerámus hóstiam laudis semper Deo, id est fructum labiórum confiténtium nómini ejus. Beneficéntiæ autem et communiónis nolíte oblivísci : tálibus enim hóstiis promerétur Deus. Obedíte præpósitis vestris et subjacéte eis. Ipsi enim pervígilant, quasi ratiónem pro animábus vestris redditúri.

Graduale. Ps. 106, 22 et 32. Sacríficent Dómino sacrifícium laudis : et annúntient ópera ejus in exsultatióne. V). Et exáltent eum in ecclésia plebis : et in cáthedra seniórum laudent eum.

Allelúja, allelúja. V). Par. 6, 41. Sacerdótes tui, Dómine Deus, induántur salútem, et Sancti tui læténtur in bonis. Allelúja.

Post Septuagesimam, omissis Allelúja, et Versu sequenti, dicitur

Tractus. Ps. 131, 8-10. Surge, Dómine, in réquiem tuam : tu et arca sanctificatiónis tuæ. V). Sacerdótes tui induántur justítiam, et Sancti tui exsúltent. V). Propter David, servum tuum, non avértas fáciem Christi tui.

Tempore autem Paschali omittitur Graduale, et ejus loco dicitur :

Allelúja, allelúja. V). II Par. 6, 41. Sacerdótes tui, Dómine Deus, induántur salútem, et Sancti tui læténtur in bonis. Allelúja. V). Jerem. 31, 14. Ego Dóminus inebriábo ánimam sacerdótum pinguédine : et populus meus bonis meis adimplébitur. Allelúja.

Italiano

Sequéntia sancti Evangélii secúndum
Marcum             Marc. 13, 33-37

I

n illo témpore : Dixit Jesus discípulis suis : Vidéte, vigiláte et oráte : nescítis enim, quando tempus sit. Sicut homo, qui péregre proféctus réliquit domum suam, et dedit servis suis potestátem cujúsque óperis, et janitóri præcépit, ut vígilet. Vigiláte ergo (nescítis enim, quando dóminus domus véniat : sero, an média nocte, an galli cantu, an mane) ne, cum vénerit repénte, invéniat vos dormiéntes. Quod autem vobis dico, ómnibus dico : Vigiláte.

Offertorium. Ps. 105, 3. Beáti, qui custódiunt judícium, et fáciunt justítiam in omni témpore (T. P. allelúja).

Secreta

M

únera nostra, Dómine, sacris altáribus offeréntes, quaésumus cleméntiam tuam : ut eadem, suffragántibus beatórum N. et N. Pontíficum méritis, et suprémam tibi glóriam operéntur, et ubérrimam nobis grátiam assequántur. Per Dóminum.

Alia Secreta

H

anc nostræ oblatiónis hóstiam, Deus, gratam óculis tuæ majestátis effíciant beatórum N. et N. Pontíficum expetíta suffrágia : qui digne in hoc saéculo sacrifícia tibi ac preces in salútem pópuli obtulérunt. Per Dóminum.

Communio. Marc 13, 34. Homo péregre proféctus réliquit domum suam, et dedit servis suis potestátem cujúsque óperis, et janitóri præcépit, ut vígilet (T. P. allelúja).

Postcommunio

R

efectióne sacra enutrítos, fac nos, omnípotens Deus, vestígiis beatórum N. et N. Pontíficum semper insístere : qui studuérunt pérpeti devotióne te cólere, et indeféssa ómnibus caritáte profícere. Per Dóminum.

Alia Postcommunio

M

ensa cæléstis, omnípotens Deus, intercedén-tibus beatórum N. et N. Pontíficum méritis, supérnas in ómnibus vires firmet et áugeat : ut et fídei donum intégrum custodiámus, et per osténsum salútis trámitem ambulémus. Per Dóminum.

Commune plurium Confessorum non Pontificum

Ad principium

Scribe | Ad paginam principalem