|
festa novembris
Die 5 Novembris
SACRARUM RELIQUIARUM
Introitus Ps. 33, 20-21
ULTÆ tribulatiónes justórum, et de his ómnibus liberávit eos Dóminus : Dóminus custodit ómnia ossa eórum : unum ex his non conterétur. Ps. ibid., 2. Benedícam Dóminum in omni témpore : semper laus ejus in ore meo. V). Glória Patri.
Oratio
Uge in nobis, Dómine, resurrectiónis fidem, qui in Sanctórum tuórum Relíquiis mirabília operáris : et fac nos immortális
glóriæ partícipes;
cujus in eórum cinéribus
pígnora venerámur. Per Dóminum.
Léctio libri
Sapiéntiæ.
Eccli. 44, 10-15
I viri misericórdiæ
sunt, quorum pietátes
non defuérunt : cum sémine
eórum pérmanent bona, heréditas sancta nepótes eórum, et in testaméntis stetit semen eórum : et Fílii eórum propter illos usque in ætérnum manent : semen eórum et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem. Sapiéntiam ipsórum narrent pópuli, et laudem eórum núntiet Ecclésia.
Graduale. Ps. 149,
5 et 1. Exsultábunt Sancti in glória : lætabúntur in cubílibus suis. V). Cantáte Dómino cánticum novum : laus ejus in ecclésia sanctórum.
Allelúja, allelúja.
V). Ps. 67, 4. Justi
epuléntur et exsúltent
in conspéctu Dei : et delecténtur
in lætítia. Allelúja.
____________
Post Septuagesimam, omissis Allelúja, et Versu sequenti,
dicitur
Tractus. Ps.
125, 5-6. Qui séminant in lácrimis,
in gáudio metent. V). Eúntes ibant et fiébant, mitténtes semina sua. V). Venientes autem vénient cum exsultatióne, portántes manipulos suos.
Tempore autem Paschali omittitur Graduale, et ejus loco dicitur :
Allelúja, allelúja. V). Sancti tui, Dómine, florébunt sicut lílium : et sicut odor bálsami erunt ante te. Allelúja. V). Ps. 115, 15. Pretiósa in conspéctu Dómini mors Sanctórum ejus. Allelúja.
____________
Sequéntia
sancti Evangélii secún-
dum Lucam. Luc. 6, 17-23
N illo témpore : Descéndens Jesus de
monte, stetit in loco campéstri, et turba discipulórum ejus, et multitúdo copiosa plebis ab omni
Judaéa, et Jerúsalem,
et marítima, et Tyri,
et Sidónis, qui vénerant,
ut audírent eum et sanaréntur a languóribus suis. Et, qui vexabántur a spirítibus immúndis, curabántur. Et omnis turba quærébat eum tángere : quia virtus de illo exíbat, et sanábat omnes. Et ipse, elevátis óculis in discípulos suos, dicebat : Beáti, páuperes : quia vestrum est regnum Dei. Beáti, qui nunc esurítis : quia saturabímini. Beáti, qui nunc fletis : quia ridébitis. Beáti éritis, cum vos óderint
hómines, et cum separáverint vos et exprobráverint,
et ejécerint nomen vestrum tamquam malum, propter Fílium hóminis. Gaudéte in illa die et
exsultáte : ecce enim, merces vestra multa est in cælo.
Offertorium. Ps. 67, 36. Mirábilis Deus in Sanctis suis : Deus Israël, ipse dabit virtútem et fortitúdinem plebi suæ : benedíctus Deus, allelúja.
Secreta
Mplorámus, Dómine, cleméntiam tuam : ut Sanctórum
tuórum, quorum Relíquias
venerámur, suffragántibus
méritis, hóstia, quam offérimus, nostrórum sit expiátio delictórum. Per Dóminum.
Communio. Ps. 32, 1. Gaudéte, justi, in Dómino : rectos decet collaudátio.
Postcommunio
Ultíplica super nos, quaésumus, Dómine, per hæc sancta, quæ súmpsimus, misericórdiam tuam : ut, sicut in tuórum sollemnitáte Sanctórum,
quorum Relíquias cólimus,
pia devotióne lætámur; ita eórum perpétua societáte, te largiénte, fruámur. Per Dóminum.
|
|