MISSALE ROMANUM - Orationes diversæ pro Defunctis

ORATIONES DIVERSÆ

PRO DEFUNCTIS

1
Pro defuncto Summo Pontifice

Oratio

D

eus, qui inter summos Sacerdótes fámulum tuum N. ineffábili tua dispositióne connumerári voluísti : præsta, quaésumus; ut, qui unigéniti Fílii tui vices in terris gerébat, sanctórum tuórum Pontíficum consórtio perpétuo aggregétur. Per eúndem Dóminum.

Secreta

S

úscipe, Dómine, quaésumus, pro ánima fámuli tui N. Summi Pontíficis, quas offérimus hóstias : cui in hoc saéculo pontificále donásti méritum, in cælésti regno sanctórum tuórum júbeas jungi consórtio. Per Dóminum.

Postcommunio

P

rosit, quaésumus Dómine, ánimæ fámuli tui N. Summi Pontíficis, misericórdiæ tuæ imploráta cleméntia : ejus in quo sperávit ed crédidit ætérnum cápiat, te miserante, consórtium. Per Dóminum.

2
Pro defuncto Episcopo

Oratio

D

eus, qui inter apostólicos Sacerdótes fámulum tuum N. pontificáli fecísti dignitáte vigére : præsta, quaésumus; ut eórum quoque perpétuo aggregétur consórtio. Per Dóminum.

Secreta

S

úscipe, Dómine, quaésumus, pro ánima fámuli tui N. Pontíficis, quas offérimus, hóstias : ut, cui in hoc saéculo pontificále donásti méritum, in cælésti regno Sanctórum tuórum júbeas jungi consórtio. Per Dóminum.

Postcommunio

P

rosit, quaésumus, Dómine, ánimæ fámuli tui N. Pontíficis misericórdiæ tuæ imploráta cleméntia : ut ejus, in quo sperávit et crédidit, ætérnum cápiat, te miseránte, consórtium. Per Dóminum.

¶ Si pro pluribus, Orationes dicuntur ut infra :

Oratio

D

eus, qui inter apostólicos Sacerdótes fámulos tuos N. et N. pontificáli fecísti dignitáte vigére : præsta, quaésumus; ut eórum quoque perpétuo aggregéntur consórtio. Per Dóminum.

Secreta

S

úscipe, Dómine, quaésumus, pro animábus famulórum tuorum N. et N. Pontíficum, quas offérimus, hóstias : ut, quibus in hoc saéculo pontificále donásti méritum, in cælésti regno Sanctórum tuórum júbeas jungi consórtio. Per Dóminum.

Postcommunio

P

rosit, quaésumus, Dómine, animábus famulórum tuorum N. et N. Pontíficum, misericórdiæ tuæ imploráta cleméntia : ut ejus, in quo speravérunt et credidérunt, aetérnum cápiant, te miseránte, consórtium. Per Dóminum.

3
Pro Episcopo Cardinali defuncto vel Presbytero Cardinali, qui episcopali dignitate auctus fuerit

Oratio

D

eus, qui inter apostólicos Sacerdótes fámulum tuum N., Epíscopum (Presbýterum) Cardinálem, pontificáli fecísti dignitáte vigére : præsta, quaésumus; ut eórum quoque perpétuo aggregétur consórtio. Per Dóminum.

Secreta

S

úscipe, Dómine, quaésumus, pro ánima fámuli tui N., Epíscopi (Presbýteri) Cardinális, quas offérimus, hóstias : ut, cui in hoc saéculo pontificále donásti méritum, in cælésti regno Sanctórum tuórum júbeas jungi consórtio. Per Dóminum.

Postcommunio

P

rosit, quaésumus, Dómine, ánimæ fámuli tui N., Epíscopi (Presbýteri) Cardinális, misericórdiæ tuæ imploráta cleméntia : ut ejus, in quo sperávit et crédidit, ætérnum cápiat, te miseránte, consórtium.Per Dóminum.

4
Pro Presbytero Cardinali, qui episcopali dignitate auctus non fuerit, et pro Diacono Cardinali, qui fuerit Sacerdos

Oratio

D

eus, qui inter apostólicos Sacerdótes fámulum tuum N., Presbýterum (Diáconum) Cardinálem, sacerdotáli fecísti dignitáte vigére : præsta, quaésumus; ut eórum quoque perpétuo aggregétur consórtio. Per Dóminum.

Secreta

S

úscipe, Dómine, quaésumus, pro ánima fámuli tui N., Presbýteri (Diáconi) Cardinális, quas offérimus, hóstias : ut, cui in hoc saéculo sacerdotále donásti méritum, in cælésti regno Sanctórum tuórum júbeas jungi consórtio. Per Dóminum.

Postcommunio

P

rosit, quaésumus, Dómine, ánimæ fámuli tui N., Presbýteri (Diáconi) Cardinális, misericórdiæ tuæ imploráta cleméntia : ut ejus, in quo sperávit et crédidit, ætérnum cápiat, te miseránte, consórtium. Per Dóminum.

5
Pro Diacono Cardinali, qui in ordine
presbyteratus non fuerit constitutus

Oratio

I

nclína, Dómine, aurem tuam ad preces nostras, quibus misericórdiam tuam súpplices deprecámur : ut ánimam fámuli tui N., Diáconi Cardinális, quam de hoc saéculo migráre jussísti; in pacis ac lucis regióne constítuas, et Sanctórum tuórum júbeas esse consórtem. Per Dóminum.

Secreta

A

nnue nobis, quaésumus, Dómine, ut ánimæ fámuli tui N., Diáconi Cardinális, hæc prosit oblátio : quam immolándo, totíus mundi tribuísti relaxári delícta. Per Dóminum.

Postcommunio

A

bsólve, quaésumus, Dómine, ánimam fámuli tui N., Diáconi Cardinális, ab omni vínculo delictórum : ut in resurrectiónís glória inter Sanctos et eléctos tuos resuscitátus respíret. Per Dóminum.

6
Item pro defuncto Episcopo

Oratio

D

a nobis, Dómine, ut ánimam fámuli tui N. Epíscopi, quam de hujus saéculi eduxísti laborióso certámine, Sanctórum tuórum tribuas esse consórtem. Per Dóminum.

Secreta

A

nnue nobis, quaésumus, Dómine, ut ánimæ fámuli tui N. Epíscopi hæc prosit oblátio : quam immolándo, totíus mundi tribuísti relaxári delícta. Per Dóminum.

Postcommunio

H

is sacrificiis, quaésumus, omnípotens Deus, purgáta ánima fámuli tui N. Epíscopi, ad indulgéntiam et refrigérium sempitérnum perveníre mereátur. Per Dóminum.
¶ Si pro pluribus, Orationes dicuntur ut infra :

Oratio

D

a nobis, Dómine, ut ánimas famu lórum tuórum N. et N. Pontíficum, quas de hujus saéculi eduxíst laborióso certámine, Sanctórum tuórum tríbuas esse consórtes. Per Dóminum.

Secreta

A

nnue nobis, quaésumus, Dómine, ut animábus famulórum tuórum N. et N. Pontíficum hæc prosit oblátio : quam immolándo, totíus mundi tribuísti relaxári delícta. Per Dóminum.

Postcommunio

H

is sacrificiis, quaésumus, omnípotens Deus, purgátæ ánimæ famulórum tuórum N. et N. Pontíficum, ad indulgéntiam et refrigérium sempitérnum perveníre mereántur. Per Dóminum.

7
Pro defuncto Sacerdote

Oratio

D

eus, qui inter apostólicos Sacerdótes fámulum tuum N. sacerdotáli fecísti dignitáte vigére : præsta, quaésumus; ut eórum quoque perpétuo aggregétur consórtio. Per Dóminum.

Secreta

S

úscipe, Dómine, quaésumus, pro ánima fámuli tui N. Sacerdótis, quas offérimus, hóstias : ut, cui in hoc saéculo sacerdotále donásti méritum, in cælésti regno Sanctórum tuórum iúbeas jungi consórtio. Per Dóminum.

Postcommunio

P

rosit, quaésumus, Dómine, ánimæ fámuli tui N. Sacerdótis misericórdiæ tuæ imploráta cleméntia : ut ejus, in quo sperávit et crédidít, ætérnum cápiat, te miseránte, consórtium. Per Dóminum.
¶ Si pro pluribus, Orationes dicuntur ut infra :

Oratio

D

eus, qui inter apostólicos Sacerdótes fámulos tuos N. et N. sacerdotáli fecísti dignítáte vigére : præsta, quaésumus; ut eórum quoque perpétuo aggregéntur consórtio. Per Dóminum.

Secreta

S

úscipe, Dómine, quaésumus, pro animábus famulórum tuórum N. et N. Sacerdótum, quas offiérimus, hóstias : ut, quibus in hoc saéculo sacerdotále donásti méritum, in cælésti regno Sanctórum tuórum iúbeas jungi consórtio. Per Dóminum.

Postcommunio

P

rosit, quaésumus, Dómine, animábus famulórum tuórum N. et N. Sacerdótum misericórdiæ tuæ imploráta cleméntia : ut ejus, in quo speravérunt et credidérunt, ætérnum cápiant, te miseránte, consórtium. Per Dóminum.

8
Item pro defuncto Sacerdote

Oratio

P

ræsta, quaésumus, Dómine : ut ánima fámuli tui N. Sacerdótis, quem, in hoc saéculo commorántem, sacris munéribus decorásti : in cælésti sede gloriósa semper exsúltet. Per Dóminum.

Secreta

S

úscipe, Dómine, quaésumus pro animábus famulórum tuorum N. et N. Sacerdótum, quas offérimus hóstias : ut, quibus sacerdotále donásti méritum, dones et praémium. Per Dóminum.

Postcommunio

P

raesta, quaésumus, omnípotens Deus : ut ánimas famulórum tuorum N. et N. Sacerdótum in congregatióne justórum ætérnæ beatitúdinis júbeas esse consórtes. Per Dóminum.

¶ Si pro pluribus, Orationes dicuntur ut infra :

Oratio

P

ræsta, quaésumus, Dómine : ut ánimæ famulórum tuorum N. et N. Sacerdótum, quos, in hoc saéculo commorántes, sacris munéribus decorásti : in cælésti sede gloriósæ semper exsúltent. Per Dóminum.

Secreta

S

úscipe, Dómine, quaésumus pro ánima fámuli tui N. Sacerdótis, quas offérimus hóstias : ut, cui sacerdotále donásti méritum, dones et praémium. Per Dóminum.

Postcommunio

P

ræsta, quaésumus, omnípotens Deus : ut ánimam fámuli tui N. Sacerdótis in congregatióne justórum ætérnæ beatitúdinis júbeas esse consórtem. Per Dóminum.

9
Pro uno defuncto

Oratio

I

nclína, Dómine, aurem tuam ad preces nostras, quibus misericórdiam tuam súpplices deprecámur : ut ánimam fámuli tui N., quam de hoc saéculo migráre jussísti; in pacis ac lucis regióne constítuas, et Sanctórum tuórum júbeas esse consórtem. Per Dóminum.

Secreta

A

nnue nobis, quaésumus, Dómine, ut ánimæ fámuli tui N. hæc prosit oblátio : quam immolándo, totíus mundi tribuísti relaxári delícta. Per Dóminum.

Postcommunio

A

bsólve, quaésumus, Dómine, ánimam fámuli tui N. ab omni vínculo delictórum : ut in resurrectiónís glória inter Sanctos et eléctos tuos resuscitátus respíret. Per Dóminum.
¶ Si pro pluribus, Orationes dicuntur ut infra :

Oratio

I

nclína, Dómine, aurem tuam ad preces nostras, quibus misericórdiam tuam súpplices deprecámur : ut ánimas famulórum tuorum N. et N., quas de hoc saéculo migráre jussísti; in pacis ac lucis regióne constítuas, et Sanctórum tuórum júbeas esse consórtem. Per Dóminum.

Secreta

A

nnue nobis, quaésumus, Dómine, ut animábus famulórum tuorum N. et N. hæc prosit oblátio : quam immolándo, totíus mundi tribuísti relaxári delícta. Per Dóminum.

Postcommunio

A

bsólve, quaésumus, Dómine, ánimas famulórum tuorum N. et N. ab omni vínculo delictórum : ut in resurrectiónís glória inter Sanctos et eléctos tuos resuscitátus respírent. Per Dóminum.

10
Pro una defuncta

Oratio

Q

uaésumus, Dómine, pro tua pietáte miserére ánimæ fámulæ tuæ N. : et a contágiis mortalitátis exútam, in ætérnæ salvatiónis partem restítue. Per Dóminum.

Secreta

H

is sacrifíciis, quaésumus, Dómine, ánima fámulæ tuæ N. a peccátis ómnibus exuátur, sine quibus a culpa nemo líber éxstitit : ut, per hæc piæ placatiónis offícia, perpétuam misericórdiam consequátur. Per Dóminum nostrum.

Postcommunio

I

nvéniat, quaésumus, Dómine, ánima fámulæ tuæ N. lucis ætérnæ consórtium : cujus perpétuæ misericórdiæ consecúta est sacraméntum. Per Dóminum.

¶ Si pro pluribus, Orationes dicuntur ut infra :

Oratio

Q

uaésumus, Dómine, pro tua pietáte miserére animábus famuláfum tuárum N. et N. : et a contágiis mortalitátis exútas, in ætérnæ salvatiónis partem restítue. Per Dóminum.

Secreta

H

is sacrifíciis, quaésumus, Dómine, ánimæ famulárum tuárum N. et N. a peccátis ómnibus exuántur, sine quibus a culpa nemo liber éxstitit : ut, per hæc piæ placatiónis offícia, perpétuam misericórdiam consequántur. Per Dóminum.

Postcommunio

I

nvéniant, quaésumus, Dómine, ánimæ famulárum tuárum N. et N. lucis ætérnæ consórtium : cuius perpétuæ misericórdiæ consecútæ sunt sacraméntum. Per Dóminum.

11
Pro patre et matre

Oratio

D

eus, qui nos patrem et matrem honoráre præcepísti : miserére cleménter animábus patris et matris meæ (paréntum nostrórum), eorúmque peccáta dimítte; meque (nosque) eos in ætérnæ claritátis gáudío fac vidére. Per Dóminum.

Secreta

S

úscipe sacrifícium, Dómine, quod tibí pro animábus patris et matris meæ (paréntum nostrórum) óffero : eísque gáudium sempitérnum in regióne vivórum concéde; meque (nosque) cum illis felícitáti Sanctórum coniúnge. Per Dóminum.

Postcommunio

C

æléstis participátio sacraménti, quaésumus, Dómine, animábus patris et matris meæ (paréntum nostrórum) réquiem et lucem obtíneat perpétuam : meque (nosque) cum illis grátia tua corónet ætérna. Per Dóminum.

12
Pro patre tantum

Oratio

D

eus, qui nos patrem et matrem honoráre præcepísti : miserére cleménter ánimæ patris mei (nostri), ejúsque peccáta dimítte; meque (nosque) eum in ætérnæ claritátis gáudio fac vidére. Per Dóminum.

Secreta

S

úscipe sacrifícium, Dómine, quod tibí pro ánima patris mei (nostri) óffero : eíque gáudium sempitérnum in regióne vivórum concéde; meque (nosque) cum illo felicitáti Sanctórum coniúnge. Per Dóminum.

Postcommunio

C

æléstis participátio sacraménti, quaésumus, Dómine, ánimæ patris mei (nostri) réquiem et lucem obtíneat perpétuam : meque (nosque) cum illo grátia tua corónet ætérna. Per Dóminum.

13
Pro matre tantum

Oratio

D

eus, qui nos patrem et matrem honoráre præcepísti : miserére cleménter ánimæ matris meæ (nostræ), ejúsque peccáta dimítte; meque (nosque) eum in ætérnæ claritátis gáudio fac vidére. Per Dóminum.

Secreta

S

úscipe sacrifícium, Dómine, quod tibí pro ánima matris meæ (nostræ) óffero : eíque gáudium sempitérnum in regióne vivórum concéde; meque (nosque) cum illa felicitáti Sanctórum coniúnge. Per Dóminum.

Postcommunio

C

æléstis participátio sacraménti, quaésumus, Dómine, ánimæ matris meæ (nostræ) réquiem et lucem obtíneat perpétuam : meque (nosque) cum illa grátia tua corónet ætérna. Per Dóminum.

14
Pro defunctis fratribus, propinquis et benefactoribus

Oratio

D

eus, véniæ largítor et humánæ salútis amátor : quaésumus cleméntiam tuam; ut nostræ congregatiónis fratres, propínquos et benefactóres, qui ex hoc saéculo transiérunt, beáta María semper Vírgine intercedénte cum ómnibus Sanctis tuis, ad perpétuæ beatitúdinis consórtium perveníre concédas. Per Dóminum.

Secreta

D

eus, cujus misericórdiæ non est númerus, súscipe propítius preces humilitátis nostræ : et animábus fratrum, propinquórum et benefactórum nostrórum, quibus tui nóminis dedísti confessiónem, per hæc sacraménta salútis nostræ, cunctórum remissiónem tríbue peccatórum. Per Dóminum.

Postcommunio

P

ræsta, quaésumus, omnípotens et miséricors Deus : ut ánimæ fratrum, propinquórum et benefactórum nostrórum, pro quibus hoc sacrifícium laudis tuæ obtúlimus majestáti; per hujus virtútem sacraménti a peccátis ómnibus expiátæ, lucis perpétuæ, te miseránte, recípiant beatitúdinem. Per Dóminum.

15
Pro his, qui in cœmeterio requiescunt

Oratio

D

eus, cujus miseratióne ánimæ fidélium requiéscunt : fámulis et famulábus tuis, et ómnibus hic et ubíque in Christo quiescéntibus, da propítius véniam peccatórum; ut, a cunctis reátibus absolúti, tecum sine fine læténtur. Per eúndem Dóminum.

Secreta

P

ro animábus famulórum famularúmque tuárum, et ómnium catholicórum hic et ubíque in Christo dormiéntium, hóstiam, Dómine, súscipe benígnus oblátam : ut hoc sacrifício singulári, vínculis horréndæ mortis exúti, vitam mereántur ætérnam. Per eúndem Dóminum.

Postcommunio

D

eus, fidélium lumen animárum, adésto supplicatiónibus nostris : et da fámulis et famulábus tuis, quorum córpora hic et ubíque in Christo requiéscunt, refrigérii sedem, quiétis beatitúdinem et lúminis claritátem. Per eúndem Dóminum.

16
Pro pluribus defunctis

Oratio

D

eus, cui próprium est miseréri semper et párcere : propitiáre animábus famulórum famularúmque tuárum, et ómnia eórum peccáta dimítte; ut, mortalitátis vínculis absolútæ, transíre mereántur ad vitam. Per Dóminum.

Secreta

A

nnue nobis, quaésumus, Dómine, ut animábus famulórum famularúmque tuárum hæc prosit oblátio : quam immolándo, totíus mundi tribuísti relaxárí delícta. Per Dóminum.

Postcommunio

D

eus, cui soli cómpetit medicínam præstáre post mortem : præsta, quaésumus; ut ánimæ famulórum famularúmque tuárum, terrénis exútæ contágiis, in tuæ redemptiónis parte numeréntur : Qui vivis.

17
Item pro pluribus defunctis

Oratio

A

nimábus, quaésumus, Dómine, famulórum famularúmque tuárum misericórdiam concéde perpétuam : ut eis profíciat in ætérnum, quod in te speravérunt et credidérunt. Per Dóminum.

Secreta

H

is, Dómine, quaésumus, placátus inténde munéribus : et, quod ad laudem tui nóminis supplicántes offérimus, ad indulgéntiam profíciat defunctórum. Per Dóminum.

Postcommunio

S

úpplices, Dómine, pro animábus famulórum famularúmque tuárum preces effúndimus : obsecrántes; ut, quidquid conversatióne contraxérunt humána, cleménter indúlgeas, et eas in tuórum sede lætántium constítuas redemptórum. Per Dóminum.

_______________

In Commemoratione Omnium Fidelium Defunctorum | In die Obitus seu Depositionis Defuncti | In Anniversario Defunctorum | In Missis quotidianis Defunctorum | Orationes diversæ pro Defunctis | Absolutio super Feretrum | Absolutio super Tumulum

Ad principium

_______________