PROPRIUM MISSARUM PRO VENETIARUM PATRIARCHATU - Die 23 Januarii. S. Joannis Eleemosynarii Ep. et Conf.

Proprium Missarum pro Venetiarum Patriarchatu > Festa Januarii > S. Joannis Eleemosynarii Ep. et Conf.

die 23 januarii

S.  joannis Eleemosynarii

Ep. et Conf.

Introitus                                                    Ps. 111.

D

Ispérsit, dedit paupéribus : justítia ejus manet in saéculum saéculi : cornu ejus exaltábitur in glória.

Ps. 40. Beáus, qui intélligit super egénum et páuperem : in die mala liberábit eum Dóminus.

V). Glória Patri.

Oratio

O

Mnípotens sempitérne Deus, qui beátum Joánnem Confessórem tuum atque Pontíficem insígnis in páuperes misericórdiæ virtúte decorásti : quaésumus; ut in omnes, qui te deprecántur, divítias misericórdiæ tuæ benígnus effúndas. Per Dóminum.

Et fiunt comm. S. Raymúndi de Peñafort Conf., et S. Emerentiánæ Virg. et Mart., ut in Missali.

Léctio libri Tobíæ.                                          c. 4.

E

X substántia tua fac eleemósynam, et noli avértere fáciem tuam ab ullo páupere : ita enim fiet, ut nec a te avertátur facies Dómini. Quómodo potúeris, ita esto miséricors. Si multum tibi abundánter tríbue : si exíguum tibi fúerit étiam exíguum libénter impertíri stude. Praémium enim bonum tibi thesaurízas in die necessitátis. Quóniam eleemósyna ab omni peccáto, et a morte líberat, et non patiétur ánimam ire in ténebras. Fidúcia magna erit coram summo Deo eleemósyna ómnibus faciéntibus eam.

Graduale. Eccl. 44. Ecce sacérdos magnus, qui in diébus suis plácuit Deo.

V). Non est invéntus símilis illi, qui conserváret legem Excélsi.

Allelúja, allelúja. V). Ps. 111. Dispérsit, dedit paupéribus : justítia ejus manet in saéculum saéculi. Allelúja.

Post Septuagesimam, omissis Allelúja, et Versu sequenti, dicitur

Tractus. Ps. 111. Beátus vir qui timet Dóminum, in mandátis ejus cupit nimis. V). Potens in terra erit semen ejus, generátio rectórum benedicétur. V). Glória et divítiæ in domo ejus : et justítia ejus manet in saéculum saéculi.

Sequéntia sancti Evangélii secúndum
Lucam                                         c. 6.

I

N illo témpore : Dixit Jesus discípulis suis: Estóte misericórdes, sicut et Pater vester miséricors est. Nolíte judicáre, et non judicabímini : nolíte condemnáre, et non condemnabímini. Dimíttite, et dimittémini. Date, et dábitur vobis : mensúram bonam, et confértam, et coagitátam, et supereffluéntem dabunt in sinum vestrum. Eádem quippe mensúra, qua mensi fuéritis, remetiétur vobis.

Offertorium. Ps. 88. Invéni David servum meum, óleo sancto meo unxi eum : manus enim mea auxiliábitur ei, et bráchium meum confortábit eum.

Secreta

S

Ancti tui, quaésumus, Dómine, nos ubique lætíficent : ut, dum eórum mérita recólimus, patrocínia sentiámus. Per Dóminum.

Communio. Luc. 12. Fidélis servus et prudens quem constítuit Dóminus super famíliam suam : ut det illis in témpore tritici mensúram.

Postcommunio

P

Ræsta, quaésumus, omnípotens Deus : ut, de percéptis munéribus grátias exhibéntes, intercedénte beáto Joánne Confessóre tuo atque Pontífice, beneficia potióra sumámus. Per Dóminum.

Ad principium

_______________