PROPRIUM MISSARUM PRO VENETIARUM PATRIARCHATU - Die 15 Julii. In Festo Sanctissimi Redemptoris

Proprium Missarum pro Venetiarum Patriarchatu > Festa Julii > In Festo Sanctissimi Redemptoris

die 15 julii

IN FESTO

SANCTISSIMI   REDEMPTORIS

   Introitus
Is. 61

G

áudens gaudébo in Dómino, et exsultábit ánima mea in Deo meo : quia índuit me vestiméntis salútis : et induménto justítiæ circúmdedit me.

Ps. 88. Misericórdias Dómini in ætérnum cantábo : in generatiónem et generatiónem.

V/. Glória Patri.

Oratio

D

Eus, qui Unigénitum tuum mundi Redemptórem constituisti, et per eum, devícta morte, nos misericórditer ad vitam reparásti : concéde; ut haec benefícia recoléntes, tibi perpétua caritáte adhærére, et ejúsdem redemptiónis fructum percípere mereámur. Per eúndem.

Et fit comm. S. Henrici Imperatoris, Conf., ut in Missali.

Léctio Epistole beáti Pauli Apóstoli ad Ephésios     Ephes. 1

B

Enedíctus Deus, et Pater Dómini nostri Jesu Christi, qui benedíxit nos in omni benedictióne spirituáli, in cæléstibus in Christo, sicut elégit nos in ipso ante mundi constitutiónem, ut essémus sancti et immaculáti in conspéctu ejus in caritáte. Qui prædestinávit nos in adoptióne filiórum per Jesum Christum in ipsum, secúndum propósitum voluntátis suæ, in laudem glóriæ grátiæ suæ, in qua gratificávit nos in dilécto Fílio suo. In quo habémus redemptiónem per sánguinem ejus, remissiónem peccatórum secúndum divítias grátiæ ejus, quæ superabundávit in nobis in omni sapiéntia, et prudéntia : ut notum fáceret nobis sacraméntum voluntátis suæ, secúndum beneplácitum ejus, quod propósuit in eo.

Graduale. Ps. 85. Omnes gentes quascúmque fécisti, vénient, et adorábunt coram te, Dómine : et glorificábunt nomen tuum. V/. Quóniam magnus es tu, et fáciens mirabília : tu es Deus solus.

Allelúja. V/. Ps. 73. Deus autem, rex noster ante saécula : operátus est salútem in médio terræ. Allelúja.

Post Septuagesimam, omissis Allelúja, et Versu seguenti, dicitur

Tractus. Is. 53. Vere languóres nostros ipse tulit, et dolóres nostros ipse portávit. V/. Et nos putávimus eum quasi leprósum, et percússum a Deo, et humiliátum. V/. Ipse autem vulnerátus est propter iniquitátes nostras : attrítus est propter scélera nostra. V/. Disciplína pacis nostræ super eum : et livóre ejus sanáti sumus.

Tempore Paschali :

Allelúja, allelúja. V/. Ave rex noster : tu solus nostros es miseràtus erróres : Patri obédiens, ductus es ad crucifigéndum, ut agnus mansuétus ad occisiónem. Allelúja. V/. Tibi glória, hosánna : tibi summa laudis et honóris coróna.

Sequéntia sancti Evangélii secúndum
Joánnem                 Joann. 3

I

N illo témpore : Dixit Jesus Nicodémo : Nemo ascéndit in cælum, nisi qui descéndit de calo, Filius hóminis, qui est in cælo. Et sicut Móyses exaltávit serpéntem in desérto; ita exaltári opértet Fílium hóminis : ut omnis, qui credit in ipsum, non péreat, sed hábeat vitam ætérnam. Non enim misit Deus Fílium suum in mundum, ut júdicet mundum : sed ut salvétur mundus per ipsum. Qui credit in eum, non judicátur : qui autem non credit, jam judicátus est : quia non credit in nómine unigéniti Fílii Dei.

Credo.

Offertorium. Salus pópulì ego sum, dicit Dóminus : de quacúmque tribulatióine clamáverint ad me, exáudiam eos : et ero illórum Deus in perpétuum, allelúja.

Secreta

S

úscipe, quaésumus, Dómine, oblátum redemptiónis ætérnæ mystérium : et præsta; ut unigéniti Fílii tui gloriósis méritis intercedéntibus, vivíficet nos semper, et múniat. Per eúndem.

Præfatio de Cruce.

Communio. Ps. 106. Confiteántur Dómino misericórdiæ ejus, et mirabília ejus fíliis hóminum, allelúja.

Postcommunio

C

órporis tui sacri, ac pretiósi sánguims, quo redémpti sumus, Dómine Jesu Christe, partícipes effécti : quaésumus; ut in nobis tua múnera tueáris; atque a preeséntis vitae malis eréptos, ad bona perdúcas sempitérna : Qui vivis.

Ad principium

_______________