Missae more antiquo in Venetia litandae
Venetiis | Bauzani | Belluni | Bergomi | Brixiae | Goritiae | Mantuae | Patavii | Portunaonis | Tarvisii | Tergesti | Utini | Veronae | Vicentiae | Victoriae Venetorum

 

Proprium Missarum pro Venetiarum Patriarchatu > Festa Novembris > S. Zachariæ Patris S. Joannis Baptistæ, Confessoris

 

 

festa   novembris

die  5  novembris

s.  zachariæ

Patris  S.  Joannis  Baptistæ,

Confessoris

   Introitus  

Ps. 36

 

O

S justi meditábitur sapiéntiam, et lingua ejus loquétur judícium : lex Dei ejus in corde ipsíus.

Ps. ibid. Noli æmulári in malignántibus : neque zeláverís faciéntes iniquitátem.

V/. Glória Patri.

Oratio

V

Igeat, quaésumus, Dómine, semper in córdibus nostris divínæ tuæ præséntiæ memória, beáti Zacharíæ sanctíssimi Præcursóris tui Patris suffragántibus méritis : ut te super ómnia diligéntes, ad promissiónes tuas, quæ omne desidérium súperant, sine offensióne currámus : Qui vivis.

Et fit comm. Octavæ Omnium Sanctorum, ut in Missali.

Léctio libri Sapiéntiæ                            Eccli. 31

B

Eátus vir, qui invéntus est sine mácula : et qui post aurum non ábiit, nec sperávit in pecúnia et thesáuris. Quis est hic, et laudábimus eum? fecit enim mirabília in vita sua. Qui probátus est in illo, et perféctus est, erit illi glória ætérna : qui pótuit tránsgredi, et non est transgréssus : fácere mala, et non fecit : ídeo stabilíta sunt bona illíus in Dómino, et eleemósynas illíus enarrábit omnis ecclésia sanctórum.

Graduale. Ps. 91. Justus ut palma florébit : sicut cedrus Líbani multiplicábitur in domo Dómini. V/. Ad annuntiándum mane misericórdiam tuam, et veritátem tuam per noctem.

Allelúja, allelúja. V/. Jac. 1. Beátus vir, qui suffert tentatiónem : quóniam, cum probátus fúerit, accípiet corónam vitæ. Allelúja.

Sequéntia sancti Evangélii secúndum
Lucam                      Luc. 1

F

Uit in diébus Heródis, regis Judaéæ, sacérdos quidam nómine Zacharías, de vice Abía, et uxor illíus de filiábus Aaron, et nomen ejus Elísabeth. Erant autem justi ambo ante Deum, incedéntes in ómnibus mandátis et justificatiónibus Dómini sine queréla, et non erat illis fílius, eo quod esset Elísabeth stérilis, et ambo processíssent in diébus suis. Factum est autem, cum sacerdótio fungerátur in órdine vicis suæ ante Deum, secúndum consuetúdinem sacerdótii, sorte éxiit, ut incénsum póneret, ingréssus in templum Dómini : et omnis multitúdo pópuli erat orans foris hora incénsi. Appáruit autem illi Angelus Dómini, stans a dextris altáris incénsi. Et Zacharías turbátus est, videns, et timor írruit super eum. Ait autem ad illum Angelus : Ne tímeas, Zacharía, quóniam exaudíta est deprecátio tua : et uxor tua Elísabeth páriet tibi fílium, et vocábis nomen ejus Joánnem : et erit gáudium tibi et exsultátio, et multi in nativitáte ejus gaudébunt : erit enim magnus coram Dómino : et vinum, et síceram non bibet, et Spíritu Sancto replébitur adhuc ex útero matris suæ : et multos filiórum Israël convértet ad Dóminum, Deum ipsórum: et ipse præcédet ante illum in spíritu et virtúte Elíæ : ut convértat corda patrum in fílios, et incrédulos ad prudéntiam justórum, paráre Dómino plebem perféctam.

Dicitur Credo, ratione Octavæ.

Offertorium. Ps. 88. Véritas mea et misericórdia mea cum ipso : et in nómine meo exaltábitur cornu ejus.

Secreta

A

Nte óculos tuos, Dómine, hóstiam salutárem offérimus humíliter deprecántes : ut per beáti Zacharíæ sanctíssimi Præcursóris tui Patris mérita, fiat nobis tuæ dilectiónis signum ætérnum: Qui tecum vivit.

Communio. Mt. 24. Beátus servus, quem, cum vénerit dóminus, invénerit vigilántem : amen dico vobis, super ómnia bona sua constítuet eum.

Postcommunio

P

Érfice, quaésumus, Dómine, in honórem beáti Zacharíæ sanctíssimi Præcursóris tui Patris munus oblátum : ut quod nostra peccáta præpédiunt, ipso pro nobis intercedénte indulgéntia tuæ propitiatiónis accéleret : Qui vivis.

 

 

 

Ad principium

_______________

© 2001-2010 Coordinamento di Una Voce delle Venezie. All Rights Reserved.
cuvve