Missae more antiquo in
Venetia litandae
Venetiis
|
Bauzani |
Belluni |
Goritiae |
Mantuae |
Patavii |
Portunaonis |
Tarvisii |
Tergesti |
Utini |
Veronae |
Vicentiae |
Victoriae Venetorum
Italiano
Die 25 Iunii
IN APPARITIONE
S. MARCI EVANGELISTAE
VENETIARVM
PATRONI PRINCIPALIS
IN II NOCTURNO
Lectio iv
Beatissimi Evangelistae Marci corpore Venetias translato et in basilica in eius honorem constructa deposito, accidit ut per annos ducentos sexaginta sex ubi illud quiesceret nesciretur. Cumque nemo huius rei conscius inveniri potuerit, post diligentissimam inquisitionem triduanum indictum est ieiunium, quod ab omnibus in contritione cordis observatum fuit. Quarta die, quae fuit vigesima quinta Iunii, ad dictam basilicam clerus, dux populusque supplicantium ritu convenere; ibique, recitatis litaniis ac multis effusis lacrimis et orationibus, Deus, qui consolatur fideles in omni tribulatione, locum, in quo pretiosum pignus latuerat, benignissime declaravit. Scissis enim marmoribus columnae circumpositis, arca, in qua corpus claudebatur, in conspectu omnium apparuit, et ecclesia suavissimo odore perfusa est. Incredibile dictu quanta fuerit omnium laetitia, quae lacrimae et gratiarum actiones hoc beneficium sint subsecutae. Apparitionis igitur dies, et maxima totius civitatis gratulatio, ecclesiastico officio ac solemni cultu quotannis celebrantur.
Proprium Officiorum pro Patriarchatu Venetiarum, Romae, Typis Polyglottis Vaticanis, 1915, p. 116
© 2001-2007 Coordinamento di Una Voce delle Venezie. All Rights Reserved.