unavocevenetia.jpg

 

Missale Romanum > Proprium de Sanctis > Festa Augusti > Die 23 Augusti. S. Philippi Benitii Confessoris

 

 

 

Ordo Missæ | Præfationes | Canon Missæ

Eadem die 22 Augusti. Ss. Timotheo, Hippolyto et Symphoriano Mm.

 

 

DIE  23  Augusti

Sancti  philippi  benitii

Confessoris

Duplex

 

 

 

Missa Justus, de Communi Confessoris non Pontificis 2° loco infra, [↓] præter Orationem sequentem

Oratio

D

Eus, qui per beátum Philippum Confessórem tuum, exímium nobis humilitátis exémplum tribuísti : da fámulis tuis próspera mundi ex ejus imitatióne despícere, et cæléstia semper inquírere. Per Dóminum.

Et, in Missis non conventualibus, fit Commemoratio Vigiliæ S. Bartholomæi :

Oratio

D

A, quaésumus, omnípotens Deus : ut beáti Bartholomaéi Apóstoli tui, quam prævenímus, veneránda sollémnitas, et devotiónem nobis áugeat et salútem. Per Dóminum.

Secreta *

P

Ræsta nobis, quaésumus, omnípotens Deus : ut nostræ humilitátis oblátio, et pro tuórum tibi grata sit honóre Sanctórum, et nos córpore páriter et mente puríficet. Per Dóminum.

Pro Vigilia S. Bartholomæi                Secreta

A

Postólici reveréntia cúlminis offeréntes tibi sacra mystéria, Dómine, quaésumus, ut beáti Bartholomaéi Apóstoli tui suffrágiis, cujus natalícia prævenímus; plebs tua semper et sua vota deprómat, et desideráta percípiat. Per Dóminum.

Postcommunio *

Q

Uaésumus, omnípotens Deus : ut, qui cæléstia aliménta percépimus, intercedénte beáto Philíppo Confessóre tuo, per hæc contra ómnia advérsa muniámur. Per Dóminum.

Pro Vigilia S. Bartholomæi           Postcommunio

S

Ancti Apóstoli tui Bartholomaéi, quaésumus, Dómine, supplicatióne placátus : et veniam nobis tríbue, et remédia sempitérna concéde. Per Dóminum.

Et, in fine Missæ, legitur Evangelium de Vigilia, ut infra, juxta Rubricas :

Sequéntia sancti Evangélii secúndum
Joánnem         Joann. 15, 12-16

I

N illo témpore : Dixit Jesu discípulis suis : Hoc est præcéptum meum, ut diligátis ínvicem, sicut diléxi vos. Majórem hac dilectiónem nemo habet, ut ánimam suam ponat quis pro amícis suis. Vos amíci mei estis, si fecéritis quæ ego præcípio vobis. Jam non dicam vos servos : quia servus nescit, quid fáciat dóminus ejus. Vos autem dixi amícos : quia ómnia, quæcúmque audivi a Patre meo, nota feci vobis. Non vos me elegístis : sed ego elégi vos, et posui vos, ut eátis, et fructum afferátis : et fructus vester maneat : ut, quodcúmque petiéritis Patrem in nómine meo, det vobis.

Ubi adest obligatio Chori, lecta post Tertiam extra Chorum Missa de Festo sine Commemoratione Vigiliæ, in Choro post Nonam dicitur Missa de Vigilia, ut infra; [↓] et de Vigilia dici possunt etiam Missæ privatae cum 2ª tantum Oratione Festi.

 

 

Eadem die 23 Augusti. In Vigilia S. Bartholomæi Ap.

Ordo Missæ | Præfationes | Canon Missæ

 

 

 

Ad principium

 


Scribe | Ad paginam principalem


© 2001 - 2015  Coordinamento di Una Voce delle Venezie. All Rights Reserved.