Missae more antiquo in
Venetia litandae
Venetiis | Bauzani | Belluni |
Bergomi |
Goritiae | Mantuae | Patavii | Portunaonis | Tarvisii | Tergesti | Utini | Veronae | Vicentiae | Victoriae Venetorum
Missale Romanum > Proprium de Sanctis > Festa Martii
FESTA MARTII
¶ Ante Quadragesimam, prima die mensis in qua fiat Officium de Feria communi, et primo resumenda non sit Missa præcedentis Dominicæ impedita, in Choro post Primam dicitur Missa conventualis pro Defunctis, juxta Rubricas, et in Missis privatis, quæ non sint Defunctorum, pænultimo loco dicitur Oratio Fidélium supra.
_______________
DIE 4 martII
sancti casimiri
confessoris
Semiduplex
Missa Os justi, de Communi Confessoris non Pontificis 1° loco infra, præter Orationem sequentem :
D
eus, qui inter regáles delícias et mundi illécebras sanctum Casimírum virtúte constántiæ roborásti : quaésumus; ut ejus intercessióne fidéles tui terréna despíciant, et ad cæléstia semper aspírent. Per Dóminum.
Et, in Quadragesima, fit Commemoratio Feriæ in Missis non conventualibus.
Deinde Commemoratio S. Lucii I Papæ et Mart. :
Oratio
G
regem tuum, Pastor ætérne, placátus inténde : et, per beátum Lúcium Mártyrem tuum atque Summum Pontíficem, perpétua protectióne custódi; quem totíus Ecclésiæ præstitísti esse pastórem. Per Dóminum.
Secreta *
L
audis tibi. Dómini, hóstias immolámus in tuórum commemoratióne Sanctórum : quibus nos et præséntibus éxui malis confídimus et futúris. Per Dóminum.
Et, in Quadragesima, fit Commemoratio Feriæ, ut supra.
Pro S. Lucio Secreta
O
blátis munéribus, quaésumus, Dómine, Ecclésiam tuam benígnus illúmina : ut, et gregis tui profíciat ubique succéssus, et grati fiant nómini tuo, te gubernánte, pastóres. Per Dóminum.
Postcommunio *
R
efécti cibo potúque cælésti, Deus noster, te súpplices exorámus : ut, in cujus hæc commemoratióne percépimus, ejus muniámur et précibus. Per Dóminum.
Et, in Quadragesima, fit Commemoratio Feriæ, ut supra.
Extra Quadragesimam, Præfatio de Apostolis, ratione commemorationis.
Pro S. Lucio Postcommunio
R
efectióne sancta enutrítam gubérna, quaésumus, Dómine, tuam placátus Ecclésiam : ut, poténti moderatióne dirécta, et increménta libertátis accípiat et in religiónis integritáte persístat. Per Dóminum.
Et de Feria legitur Evangelium in fine.
_______________
S. Casimiri Conf. | Pro. Lucio I Papa et Mart. | Ss. Perpetuæ et Felicitatis Mm. | S. Thomæ de Aquino Conf. et Eccl. Doct. | S. Joannis de Deo Conf. | S. Franciscæ Romanæ Vid. | Ss. Quadraginta Mm. | S. Gregorii Papæ Conf. et Eccl. Doct. | S. Patricii Ep. et Conf. | S. Cyrilli Ep. Hierosolymitani, Conf. et Eccl. Doct. | S. JOSEPH SPONSI B. M. V. CONF. | S. Benedicti Abb. | S. Gabrielis Archangeli | IN ANNUNTIATIONE B. M. V. | S. Joannis Damasceni, Conf. et Eccl. Doct. | S. Joannis a Capistrano Conf. | Septem Dolorum B. Mariæ Virg.
_______________
© 2001-2009 Coordinamento di
Una Voce delle Venezie. All Rights Reserved.
cuvve